طنين

ابحث فى رأسى عن كلام يصلح 

افشل .. يفشل رصيدى (الذى اعده ضخما حقا ) من الكلمات والتراكيب فى ان يكون جملا صالحة للتعبير عن هذه الاشياء التى تتصارع فى رأسى 

هى اشياء ..ليست افكار .. لا يمكن ان اسميها بالافكار 

لم اكن يوما فى هذه الحالة من عدم القدرة على الامساك بفكرة مكتملة حتى لو كانت سلبية او خاطئة 

كلها مبتورة شائهة 

تنهض الفكرة تجادل رأسى لتقنعها ثم  ما تلبث ان تغير اتجاهها لتهدم بنفسها كل ما عملت على بنائه 

اكره هذه الحالة 

اكره الا اكون قادرة على التحكم فى عقلى 

رغم كل مامر بى .. لم افقد يوما اتزانه وقدرته على المراجعة 

الا هذه المرة 

وهذا يؤكد  ان هذه ليست أنا 

الثانى من مايو .. حد ادنى لاجور المصريين ودفاع عن الحق فى الاعتراض السلمى

Khaled Abul Naga in solidarity with 2 May Labor Protest from Hossam on Vimeo.

helplessness

 

افكر فى كتابة هذه الرسالة الطويلة
اودعها كل حيرتى و مخاوفى وارسلها اليك
افكر فى انى لن استطيع ان ابوح لسواك
لكنى لا استطيع ان ابوح لك انت بأى شئ
افكر فى اننى اتقوقع داخل وحدتى من جديد... هذه المرة اصعب مما سبق
اصعب من كل ما سبق
افكر
ولا املك من امرى شيئا
لا املك حتى ان اتوقف عن التفكير

من كتاب الحكم المجانية

1- Everybody needs to be taken care of.. even those who always take care of others


2-تأكد من قراءة تاريخ صلاحية الزبادى قبل شرائة ، والاهم من ذلك تأكد من تاريخ انتهاء الصلاحية قبل الانتهاء من التهام العلبة 


استودعكم الله .. غالبا

O.K

If it's gonna make anyone feel any better.. yea, I AM the devil

طق حنك

فى المترو الاخير

ركنت راسى وجذعى على العامود ،قدامى الست بتكلم الست اللى جنبها عن بناتها التلاتة اللى متجوزين واجوازهم فى السجن 

اصغرهم عندها 18 سنة ، جوزها محكوم عليه ب23 سنة سجن 

بس مظلوم بطاقته الورق زمان اتسرقت وحد عمل بيها مصايب ولبسها المسكين 

وهى المسكينة بتصرف على بنت 18 وبنتها اللى مستنيين زوج واب هيرجع البيت بعد كمان 20 سنة اصله محبوس بقالة تلات سنين ، والعروسة بنت 15 بقت زوجة مركونة بنت 18 

يمكن شاخت زيى 

لا اكتر منى 

بس الجدة لسة صبية 

لسة بتصرف على تلات امهات وعيالهم عشان اجوازهم محبوسين

وانا على العمود قاعدة افتكر كلامنا احنا التلاتة فى الشارع السخيف

وافتكر كل العنف المجانى اللى اتعرضتله وانا مش فاهمة ليه 

واسمع حكاية بنت 18 من الجدة اللى ماسكة فايدها بللونة حمرا و مستغلية الخمسين قرش اللى جابتها بيها

بتحكى باريحية ومش هاممها باصين ليها ازاى 
ولا نظرة العجب فى عينى لحماسها فى الحكى لواحدة غريبة عن حاجة هى لاى حد مخجلة

ماسكة البللونة  بتحركها وتاخد نصيبها منها قبل ما ترجع بيها للاحفاد اللى هيتخانقوا عليها 

وهى فآخر مترو وبتفكر فى اى حاجة غير اللى بفكر فيها

وهى رغم الهم لسة بتضحك ضحكة صبية 

ضحكة هتضيع منى بعد شوية

"عايز اخليكى اجرأ" 

" وفيها ايه لما تبقى مختلفة .. دى مش حاجة وحشة"

 " انا اول ما قريت مدونتك كنت عايز اشوفك عشان انقذ حياتك ، حسيت ان ده حد موشك على الانتحار" 

" انتى محتاجة تعلى السيلف استيم"

"you are way too simple"

"you are complicated "

" ثقتك بتوصل للغرور واحيانا مببقاش شايف مبرر لده"

" انتى مبقتيش مركزة فشغلك"

"مشكلتك انك مركزة فشغلك زيادة عن اللزوم يا زيزو الدنيا فيها حاجات تانية "

" انتى يا بنت انتى هبلة ، كل الناس عندك كويسين ، كل الناس شايفاهم احسن منك واعرف منك ، انتى هتبطلى عبط امتى "

بين اللى بيقولى خليكى زى ما انتى

واللى بيقولى زى منتى مش عاجبنى 

واللى بتقولى انتى هبلة بزيادة 

واللى بينصحنى بتربية عضلات السيلف استيم 

واللى بتقولى جتك نيلة انتى محتاجة دروس

واللى شايفنى غلطانة على طول الخط 

مبقتش شايفة نفسى 

انا المفروض ابقى اجرأ؟

المفروض ابقى اجبن ؟

المفروض ابقى ايه ؟

طب هو انا زمان كنت عاملة ازاى ؟

لا يوجد سوى حقيقة ثابتة واحدة : عبد الباسط حمودة دوما ما كان على حق

والمشكلة الاكبر ان

لا مكان لى لاصرخ بحرية 

فهناك دوما من يراقب 

ليس ثمة صديق احادثه فلمن اشكو والخصم دوما هو الحكم 

ليس الورق بقادر على امتصاص هذا المزيج الكريه بداخلى 

فليس هناك ما يكفى منه ابدا 

وليس لى من البلاغة ما اتقيأه عليه فاستريح 

لم يعد سبب الشكوى وحده مصدرا للالم 

بل صار فعل الشكاية وتحريمه هو ... لا اجد مصطلحا يصلح

شعارنا

نحن ننظر للنصف الملئ من الكوب الفارغ

الصورة من مدونة  

such a waste

تصحيح واعتذار

قبل اشهر عملت من صديق ان المدونة غادة عبد العال صاحبة مدونة عايزة اتجوز التى تحولت الى كتاب ناجح صدر عبر سلسلة مدونات الشروق قد تنازلت عن حقوقها كمؤلف فى تحويل كتابها الى وسائط ابداعية اخرى بما فيها الدراما التلفزيونية والسينما 

كتبت هذا مجهلا هنا على المدونة .

وقبل ايام علمت من صديق ان غادة كانت تتقاضى حقوقها المادية كاملة عن كل طبعة للكتاب كما تقاضت حقوقها كمؤلف عند تحويل مصنفها الى مسلسل درامى تقوم ببطولته الفنانة هند صبرى ويشكل باكورة انتاج شركة الشروق للوسائط التابعة للمؤسسة المالكة للدار والصحيفة.

انا هنا لا اشكك فيما قاله لى صديقى الكاتب والمخرج المسرحى عادل حسان فقد نقل لى ما قيل له بالتحديد ولم يعلمه مصدره وقتها بالمعلومات كاملة  واكتفى بالتصريح بان المؤلفة تنازلت عن حقوق الملكية الفكرية للمصنف بالكامل لصالح دار الشروق

لكنى احب ان اعتذر عن نشر معلومات خاطئة هنا على المدونة قبل ان استوثق من صحتها واسعى للاتصال بمصادر اخرى 

اعتذر لغادة ان كان قد طالها اى ضيق مما كتبت 

واؤكد ثانية طلبى الذى كتبت من اجله التدوينة وهو ان يراجع كل من يوقع عقدا مع اى دار نشر قواعد وبنود العقد جيدا قبل التوقيع عليه 

تمنياتى بالتوفيق لغادة واكرر اعتذارى لها ولكل من وصلته تلك المعلومات الخاطئة عبر البوست

Facts of life

  من اقوال معلمتى

People who are so much alike can not have a good relationship of any kind 
They have nothing to understand or forgive each other for