لخبطات سعيدة

مش عارفة اقول ايه 

بقالى تلات ايام مش عارفة انام، المرة دى لسبب مختلف، حاسة بسعادة لا توصف وأمل ملوش حدود 

يوم اربعة وعشرين بالليل كنت بتكلم مع حد صاحبى كنت بقوله ما تشوف موضوع المنح ده وتسافر 

انا كمان نفسى اسافر، البلد دى معادش يتقعد فيها 

شفت بيان الداخلية اللى بيلوح بالعنف وقررت اعاند وانزل وانا كنت بطلت نزول من زمان لايمانى بعدم جدواه 

يوم خمسة وعشرين بقيت بهتف من قلبى باسم مصر فى الميدان حسيت بالحتة المصدية الميتة اللى فى قلبى اللى كانت بتاكل بقيته بتنتفض وبتزيل الصدى وبترجع تدق تانى لا كانت بترجع ترفرف تانى 

ممتنة لحبيب العادلى وغباء النظام اللى نزلنى من بيتى فى اليوم العظيم يوم خمسة وعشرين يناير 

ممتنة لكل شاب وبنت وراجل وست نزلوا وهينزلوا 

ممتنة لدم الشهدا اللى صحى الجموع فى السويس

ممتنة للشاب اللى معرفوش ومشفتش وشه اللى نجدنى وشدنى من تحت رجلين الناس لما القنبلة المسيلة للدموع وقعت جنبى وحصلى شلل مؤقت 

ممتنة لكل حد ادانى يومها حبة مية 

شكرا يا رب انك خليتنى استعيد الحياة تانى 

كنت بقول انى مش عاوزة احب ولا اتجوز ولا اجيب ولاد عشان حرام عليا اجيبهم فى بلد ملهاش مستقبل، كنت بقول انى لو بقى عندى ولاد مش هعرف ابصلهم ولا اقولهم هم عايشين وحش ليه 

حتى لو مزيحناهمش بس انا عارفة ان ربنا مش هيسيبنا واننا هنزيحهم 

عندى يوم خمسة وعشرين 

ويوم ستة وعشرين 

ويوم سبعة وعشرين ويوم الجمعة تمنية وعشرين 

احكى عنهم لولادى وانا عارفة ابص فى عينهم واقولهم اننا معشناش من غير كرامة واقولهم انهم يقدروا يكملوا 

صباح الورد على عيونك يا مصر 

بى اس: كل الكيتش فى التدوينة طالع من قلبى 

يا رب اعرف انام حبة بقى

مشغوليات الرأى العام الانترنتى المصرى فى اسابيع

السابع من ديسمبر 2010 الحزب الوطنى يستولى على 420 مقعد فى انتخابات المجلس التشريعى المسمى زورا وبهتانا بمجلس الشعب 

السادس والعشرين من ديسمبر 2010 وزير التعليم يصادر اراضى ثلاث مدارس قومية بالاسكندرية 

الحادى والثلاثين من ديسمبر 2010 استشهاد عدد لم يتحدد نهائيا حتى الان (مازال هناك حصد للاشلاء) من المواطنين المصريين الذين يدينون بالديانة المسيحية فى اعتداء لن يتم تحديد منفذيه على كنيسة القديسين بالاسكندرية نتيجة لتقصير امنى عادى ومألوف وربما متعمد بعد سنوات من الشحن الطائفى المستمر فى التصاعد 

الرابع من يناير 2011 توفى الشهيد (رغم انف من يكفرونه) محمد البوعزيزى الذى اطلق شرارة الثورة الشعبية التونسية باحتجاجه باحراق نفسه ثورة لكرامته ومن يومها احتلت اخبار الانتفاضة الشعبية حيز اهتمام نشطاء الانترنت المصريين

الرابع عشر من يناير 2011 الشعب التونسى يجبر بن على على الهروب واستيلاء رجله الاول على السلطة 

التاسع عشر من يناير 2011 الجهاز المركزى للمحاسبات يكشف عن قضية فساد كبرى فى مركز محلى ابو تيج  يعيد الى الاضواء قضايا فساد المحليات (للركب با ريس)0

الحادى والعشرين من يناير 2011 الكشف عن شبكة كبرى لممارسة الاعمال المنافية للاداب يقودها رجل اعمال شهير (درجة تالتة طبعا)0

الخامس والعشرين من ابريل 2011 وزارة الداخلية تعلن العثور على الشاب المختل عقليا الذى اطلق النار على 20 اسرة مسيحية خلال حضورهم قداس القيامة مساء امس الاحد 

الثامن والعشرين من ابريل 2011 مظاهرات كبيرة فى شوارع القاهرة عقب هزيمة مصر فى مباراة ودية مع منتخب تونس والمظاهرات تطالب بطرد السفير التونسى ردا على اهانة الشعب التونسى لسمعة مصر

هامش على هوامش ما يجرى

يبدأ الامر كالتالى: يقول أحدهم شيئأ ما 

يطرحه بقوة وثقة ، يقدمه مُخَلِّصًا اياه من أى ظلال للشك او تلميحات بكونه قابل لاعادة التفكير

يتلقاه احدهم ويقول لنفسه: مادام يطرحه بهذه الثقة فلابد ان مايقول هوعين الحقيقة

يجلس هذا الاحدهم مع بعضهم فيقول الشئ عينه ليتلقاه هؤلاء البعض، لكن واحد منهم يفكر ان ما يقوله هذا الشخص لا تبدو انه تسانده اى دلائل منطقية يرفع صوته محاولا مناقشة هذا الشخص فيتلقى صيحات الاسكات من باقى الجالسين 

الرجل يتحدث بثقة

الرجل يسرد دون تردد 

الرجل يعرف ما يقوله فلا تربكنا 

ببطئ يتحول كل واحد من هؤلاء البعض الى احدهم جديد 

يبشر وينقل 

ويتلقى الآخرين بلا تفكير

يبدأ الامر بأن يكذب احدهم كذبة كبيرة وبلا تردد 

وينتهى الامر بأمة كاملة فقدت القدرة على التفكير 

رحمك الله يا جوبلز

لو كنت حيا فى مصر لانتحرت كمدا 

حقائق

من الحمق أن تحرص على مشاعر من لا يأبه لايلامك

وربما يحرص عليه حرصه على الحياة 

لكنى لم اعهد بنفسى سوى الحمق

تعليقا على ما كان وما سيكون

 

لا تسمعوا اصحاب العمائم

الكهنة من الجانبين لا يخدمون الله الواحد مالك السماوات والارض، 

الكهنة من الجانبين يخدمون الاله البارك على العرش ،

لا تسمعوا صوت الكهنة واسمعوا صوت عقولكم وقلوبكم وحدها ستصدقكم