امتلاك

طعم الحياة ممل
....هى ..أسخم وأدل

فى الحالة دى ينعقد المربوط فى السايب
فينتج عنهم عصير بشر

فى نفس اللحظة
تقف ساعتك
فيقف الكون /لحظة ثبات
فتنتهزها فرصة
عشان تشوف براحتك جسمها الفتان

اللى ياما حلمت بيه من غير استغفار
فتفشل تكون نبى
وتنصب نفسك اله
ولو للحظة ثبات للامتلاك
ولجسمها طبعا

تفشل فى السيطرة
وتنعقد مع المربوط فى السايب
وتكون عصير واحد تانى

انت متعرفوش

-----------------------
من ديوان مش عمرى عشرين " تحت الطبع " لصديقى الشاعر البورسعيدى الجميل
محمود سلام