داخله الفيس زفت ده يا عم ولقيت ابيه سلامة حاطط ستيتس غريب
بيقولك عمرو خالد ينافس ستار اكاديمى ببرنامج دعاة اكاديمى
اه والنبى
رحت على اللينك اللى قال عليه ولقيت الكلام بجد
قال عمرو خالد اللى طلع مفكر عالمى " انظر التعليقات يا بابا " نازى يبحث عن خليفة له يستكمل المسيرة
وبيدور سى عمرو على اولاد حلوين لذاذ يدخلوا الاكاديمى عشان يصقلوا مواهبهم الدعوية
مهى اكيد مواهب ولا علم ولا معرفة
طالما اكاديمى يبقى مواهب
طب انا بقى عايزة اعرف هيبقى فيه بنات ولا الاكاديمى للولاد وبس ؟
طيب لو فيه بنات هيبقوا مع بعض ولاهيعتمد الفصل بين الجنسين ؟
طب لو مفيش بنات يبقى ليه يعنى هى الفتيات مش هم برضه اذا صلحن صلحت الامة ؟
مش عايز يطلعلهم داعيات عشان يهدوهم للطريق القويم ليه؟
طيب بعيدا عن موضوع البنات والولاد هيبقى فى مسابقة دعوة كل اسبوع يطلع الدعاة يرقصوا يووووووه يخطبوا فيها عشان الناس تقرر من اسلوبه احلى وينفع داعية .... وموبايلات بقى وتصويت والمصرى يكسب ولا اللبنانى ولا السعودى .......الخ
ويا ترى معايير التقييم هتبقى بايه
بنوعية البدلة ولا الصوت ولا اللغة ولا "اللا معلومات " المتضمنة والقدرة الفذة على العك فى الدين والتاريخ ولا ايه بالظبط
طب هيتم استغلال العيال دى كالعادة فى الدعاية لشركات الرعاة
يعنى ممكن نلاقى بيبسى راعى الاسلام
ولا هينكل سيب الدعوة علينا ؟
او مثلا مثلا لازوردى مجوهرات الجنة؟
وممكن يجيب فولجارى عشان يحرق دم ربيع
لا بجد والله عايزة افهم
طب انا مخى على قدى
حد يفهمنى
طب يوسف معاطى هيكتب سيناريو لايه
واشمعنى يوسف معاطى يعنى
هو يعرف عنه اتجاهات اسلامية ما طرات مؤخرا؟
يعنى تاب مثلا عن الشغل مع عادل امام واعترض على النكت ذات الايحاءات الجنسية اللى بيقولها ؟
اللذيذ ان هناك من ينتظر ان تكون نهضة الامة على ايدى تلاميذ الاستاذ عمرو خالد " بطل لماضة وبص فى التعليقات " طيب
ماشى يا بنى ادمين
لما نشوف
تحديث :
الخبر كما نشره ابيه سلامه فى البديل
بيقولك عمرو خالد ينافس ستار اكاديمى ببرنامج دعاة اكاديمى
اه والنبى
رحت على اللينك اللى قال عليه ولقيت الكلام بجد
قال عمرو خالد اللى طلع مفكر عالمى " انظر التعليقات يا بابا " نازى يبحث عن خليفة له يستكمل المسيرة
وبيدور سى عمرو على اولاد حلوين لذاذ يدخلوا الاكاديمى عشان يصقلوا مواهبهم الدعوية
مهى اكيد مواهب ولا علم ولا معرفة
طالما اكاديمى يبقى مواهب
طب انا بقى عايزة اعرف هيبقى فيه بنات ولا الاكاديمى للولاد وبس ؟
طيب لو فيه بنات هيبقوا مع بعض ولاهيعتمد الفصل بين الجنسين ؟
طب لو مفيش بنات يبقى ليه يعنى هى الفتيات مش هم برضه اذا صلحن صلحت الامة ؟
مش عايز يطلعلهم داعيات عشان يهدوهم للطريق القويم ليه؟
طيب بعيدا عن موضوع البنات والولاد هيبقى فى مسابقة دعوة كل اسبوع يطلع الدعاة يرقصوا يووووووه يخطبوا فيها عشان الناس تقرر من اسلوبه احلى وينفع داعية .... وموبايلات بقى وتصويت والمصرى يكسب ولا اللبنانى ولا السعودى .......الخ
ويا ترى معايير التقييم هتبقى بايه
بنوعية البدلة ولا الصوت ولا اللغة ولا "اللا معلومات " المتضمنة والقدرة الفذة على العك فى الدين والتاريخ ولا ايه بالظبط
طب هيتم استغلال العيال دى كالعادة فى الدعاية لشركات الرعاة
يعنى ممكن نلاقى بيبسى راعى الاسلام
ولا هينكل سيب الدعوة علينا ؟
او مثلا مثلا لازوردى مجوهرات الجنة؟
وممكن يجيب فولجارى عشان يحرق دم ربيع
لا بجد والله عايزة افهم
طب انا مخى على قدى
حد يفهمنى
طب يوسف معاطى هيكتب سيناريو لايه
واشمعنى يوسف معاطى يعنى
هو يعرف عنه اتجاهات اسلامية ما طرات مؤخرا؟
يعنى تاب مثلا عن الشغل مع عادل امام واعترض على النكت ذات الايحاءات الجنسية اللى بيقولها ؟
اللذيذ ان هناك من ينتظر ان تكون نهضة الامة على ايدى تلاميذ الاستاذ عمرو خالد " بطل لماضة وبص فى التعليقات " طيب
ماشى يا بنى ادمين
لما نشوف
تحديث :
الخبر كما نشره ابيه سلامه فى البديل
Posts
7 comments:
ويا ترى ح يعملوا لهم ريجيم وعمليات تجميل؟
وايه نوع التدريبات على الدعوة؟
ح يعلموهم ازاي يبرقوا ويصوتوا ويضحكوا على الفاضية والمليانة؟
أهو ده بقى تمييع الدين إللى خطيب المسجد النهاردة كان بيتكلم عنه !!
عرض و طلب
بيزنس و اللي مش عاجبه من الدكان بتاعنا ياخد من اللي جنبه
اخيرا
لا تأمن لمن كان دينه دكانه
------
:))
واحد تعرفيه
كل تساؤلاتك فى محلها يا عزه
بل وأكثر منها
لكن الواقع بيقول أن فى أدوات جديده للتعامل مع العصر وفى ظنى أن عمر خالد قرر من زمن الاستفادة منها بأقصى درجه سواء لأهدافه الدينيه والدعويه أو أهداف شخصيه
يا حبيبتى التجديد مطلوب
عمور خلص كل الاساليب الجديده من زرع السطوح بطاطس ودهن الهوا دوكو
شكله خايف رصيده يقل ولا حاجه قالك اطلع بحاجه جديدة
تجذب الانتباه
والله يا نوارة هانم هذا السؤال ايضا من الاسئلة السرمدية المعلقة التى لن نعرف اجابتها قريبا
اهم حاجة الصوصوة طبعا باعتبارها احد اهم منطلقات الدعوة السليمة والهداية الصحيحة
ادينا هنشوف
منورانى والنبى
*********************
جدو اسكندر
هو ربما يكون كما تقول وهو ايضا امتداد لتسليع الروحانيات وتحويل علاقة الانسان بالله الى شكلانيات وماديات
هى التجارة بالدين وتدجين عقول الناس لصرفها عما يستحق حقا الاهتمام به
********************************
الذى يقول انى اعرفه
والنبى عندك حق
**********************
فاوست
عمرو خالد جزء من منظومة متكاملة فرايى للتغييب
وبصراحة رغم ان كلامى ده ممكن يجيب التريقة
حاسة ان البنى ادم ده مبيشتغلش لوحده
وان الاعلام الدينى اللى واجهته عمرو خالد دونا عن باقى الوسائل الاخرى للاتصال شغال بشكل ممنهج وعارف ه ماشى ازاى ورايح فين
يقلقنى القس البروتستانتى ذو الوجه الاسلامى عمرو خالد
ولا ادرى الى اين سيلقى بنا هو
وتلاميذه
********************************
ديزرت كات
لا اختلف معك ابدا وان كان بداخلى هاجس ان الامر يعدو مجرد الحسابات البنكية فقط
اهلا بيكى
رجاء ارسال ميل خاص بك كي ارسل عليه كود بنر الحملة الشعبية للقيد بالجداول الانتخابية هذا اذا لم تتمكني من نقله من علي مدونتي.
وشاكر تعاونك
Post a Comment